الرئيسية » كرة مصرية » اخبار مصريه » خاص | هادي رفعت يفتح قلبه ل كوره نيو ويعد جماهير الاهلي بالانتصارات

خاص | هادي رفعت يفتح قلبه ل كوره نيو ويعد جماهير الاهلي بالانتصارات

كتب : عبدالله على 

في اطار سعي النادي الاهلي لتدعيم فريق كره اليد للعوده الي منصات التتويج ابرم النادي الاهلي اولي صفقاته بالتعاقد مع الحارس الدولي هادي رفعت وكان لنا الحوار التالي :

كابتن هادى احكليلنا عن مفاوضات النادى الاهلى معاك ؟
– كلمني مروان هشام عضو مجلس اداره النادي الاهلي وكنت وقتها في المغرب مع نادى هليوبوليس في البطولة الافريقية و انتظرني حتى العودة وكان هناك عرض احتراف خارجي واحترمو رغبتي في اللعب خارج مصر و لكن بعد تعثر المفاوضات الخارجية تم الاتفاق ووقعت للنادى الاهلى موسمين

احكيلنا عن الفتره اللي قضيتها مع هليوبوليس ؟
فريق هليوبوليس فريق شاب فيه عناصر كثير قوية
يتميز بالسرعة و الروح .. موسمان كانت من المواسم الاستثنائية تحت قيادة الكبير محمد الألفي ثالث دوري و اول كاس و رابع افريقيا

لو تحب توجه رساله لادارة نادى هليوبوليس تقولهم ايه ؟
– انا بطلب من ادارة نادى هليوبوليس انهم يحافظو على الفريق ماديا ومعنويا لانه يمتلك عناصر مميزه جدا

مبسوط ان رجعت بيتك النادى الاهلى من جديد ؟
– طبعا مبسوط جدا جدا انى رجعت بيتى من تانى

شايف دورى الموسم القادم ازاى ومين اللى هينافس ؟
– اكيد قوي و أقوى من الموسم اللي فات اكثر من فريق هيتنافسوا على المراكز الأربعة الاولى الأهلي و الزمالك سموحة سبورتنج الجيش هليوبوليس طيران

شايف مين المدير الفنى الاقرب لقيادة الفريق ؟؟
– محمد الألفي ثم عاصم حمّاد

ايه اللى كان ناقص الاهلى الموسم الماضى ؟؟ وايه اللى لازم يعمله الموسم المقبل ؟

– انه لازم يكون فى ترابط وتوحيد الاهداف بين اللاعبين واننا نركز وربنا هيوفقنا ان شاء الله

تحب تقول ايه لجمهور النادى الاهلى وتوعدهم بايه ؟
– اشكرهم اولا على الترحيب بيا ونوعدهم ان شاء الله بنتائج و شكل مختلف عن السنه الماضية

شكرا ليك كابتن هادى رفعت ونتمى لك التوفيق فى القادم ان شاء الله